२००० च्या दशकाच्या सुरुवातीपासून, चीनने श्रीलंकेला दिलेल्या कर्जात झपाट्याने वाढ करण्यात आली आहे. एका अंदाजानुसार सध्या थकीत असलेले कर्ज एकूण कर्ज साठ्याच्या २० टक्क्यांहूनही अधिक आहे. उच्च व्याजदरासह चीन देत असलेले कर्ज हे पारदर्शी नसल्याने अनेकदा अशा कर्जाचा बोजा पडलेला दिसून आला आहे. यातील बहुतांश कर्ज हे चायना एक्झिम बँक आणि चायना डेव्हलपमेंट बँक यांसारख्या बीजिंगच्या आर्थिक आणि व्यावसायिक हित असलेल्या बँकांमधून येते. परिणामी, आपल्या कर्जाची पुनर्रचना करण्यासाठी चीनकडून फार प्रयत्न करण्यात येत नाहीत.